काठमाडौं । यो एक विश्व राजनीतिको बिरलै हुने घटना नेपालका लागि प्रेरणा मिलोस् भनेर यहाँ लेख्दैछौं । १८ महिनाअघि अस्ट्रेलियाको उत्तरी क्षेत्रको सर्वोच्च पदमा पुगेपछि नताशा फाइल्सले मुख्यमन्त्री पदबाट राजीनामा दिएकी छन् । राजीनामा दिनुको कारण थाहा पाउँदा तपाईपनि चकित हुनुहुनेछ ।’
उत्तरी क्षेत्र एउटा खानी सञ्चालन गर्ने कम्पनी थियो । उक्त खानीबाट धुलो निस्किएर आफूहरु हैरान भएको भन्दै नजिकका स्थानीयले खानीविरुद्ध उजुरी दिए । उक्त खानीको मापदण्डका सम्बन्धमा छानबिन गर्न प्रदेश सरकार अर्थात् मुख्यमन्त्री नताशा फाइल्सको नेतृत्वको मन्त्रीपरिषद्ले छानबीन टोली गठन गर्यो ।
टोलीले स्थलगत अनुशन्धान गरेर उक्त खानीले प्रभावित क्षेत्र बाहेक बाहिर खासै असर नगरेको, प्रभावित क्षेत्रमा स्थानीयलाई मुआब्जा दिएर अन्यन्त्र सारिसकिएको र खानीले सबै मापदण्ड पालना गरेको प्रतिवेदन दियो । प्रतिवेदन पढ्दै खानी बन्द गर्नुपर्ने अवस्था नरहेको अभिव्यक्ति मुख्यमन्त्री नताशाले दिइन् । त्यसपछि स्थानीयले खोजी गरेर उक्त खानीमा केही दर्जन कित्ता अर्थात मात्र २५ सय डलरको सेयर उनै मुख्यमन्त्री नताशाको नाममापनि रहेको पत्ता लगाए । यो तथ्यसहित कम्पनीमा आफ्नोपनि आफू सानै हुँदाको लगानी रहेकाले मुख्यमन्त्रीले जोगाउने प्रपञ्च गरेको आरोप लगाए ।
नताशालाई भने आफ्नो नामको सेयर उक्त कम्पनीमा छ भन्ने थाहा नभएको बताइन् । भएपनि वर्तमान अवस्थामा समेत मात्र २५ सय डलरको सेयरको कुनै अर्थ नहुँने भन्दै अरुले उनको बचाउ गर्न उत्रिए । तर नताशाले रुँदै आफ्नो अन्जानबसको कार्यबाट नागरिकमा आफूप्रति शंका भएकाले नैतिकताका आधारमा पदबाट राजीनामा घोषणा गरिन् ।
