१७ वैशाख, काठमाडौं । बझाङको प्रदेश सभा १ मा भएको उपनिर्वाचनमा नेकपा एमाले र कांग्रेसका उम्मेदवारबीच रोमाञ्चक प्रतिस्पर्धा भएको छ । सुरुआति चरणमा एमालेका दमन भण्डारीले अग्रता लिएकोमा पछिल्लो समय कांग्रेसका अभिषेक सिंहले निरन्तर अग्रता लिएका थिए । अहिले एमालेका भण्डारीले अग्रता लिएका छन् ।
पछिल्लो परिणाम अनुसार भण्डारीले ९८८९ मतका साथ अग्रता लिइरहेका छन् भने सिंहले ९८७९ मतका साथ पछ्याइरहेका छन् । उनीहरूबीचको मतान्तर १० मात्रै छ । तेस्रो स्थानमा रहेका माओवादी केन्द्रका जनक बुढाले ३६२२ मत पाएका छन् भने एकीकृत समाजवादीका दिलबहादुर सिंहले २३९३ मत पाएका छन् । यस क्षेत्रमा ३० हजार ३२८ मत खसेकोमा २४ हजार बढी मत गणना भइसकेको छ ।
प्रकाशित मिति : २०८१ बैशाख १७ गते सोमवार
