काठमाडौं । गाडी पल्टिएको एक भिडियो सामाजिक सञ्जालमा भाइरल भइरहेको छ । अहिले चालक धन्यवादका पात्र बनिरहेका छन् । पहाडको टुप्पोबाट गाडी कयौं पटक पल्टियो चालक अन्तिम क्षणमा गाडीबाट बाहिर निस्कए। जम्मू–कश्मीरको कतै खिचिएको भिडियोमा एसयूभी सडक छोडेर ठाडो ढलानमा खसेको देखिन्छ ।
केही यात्रुले ढलानबाट ओर्लिएर गाडीलाई रोक्न खोजेका थिए । तर अन्ततः, गाडी रोक्न सकेनन् र नियन्त्रण बाहिर गयो। त्यस क्षणमा, चालकको निर्णयले काम गर्यो र उनी कारबाट केही नभइ निस्किन सके । सडकमा हिड्दा चालकले खतरनाक ढलानमा गाडीको नियन्त्रण गुमाएको हुनसक्ने देखिन्छ । तर यस घटनाको यकिन विवरण भने आउन सकेको छैन ।
भिडियोमा हेर्दा उकालोमा कार रोकिन्छ । चालकले गति बढाउने र ढलान चढ्ने प्रयास गरे तर सफल भएनन् । यस घटनाले सुरक्षित ड्राइभिङ अभ्यासहरूको एक उदाहरण दिन्छ । विशेष गरी चुनौतीपूर्ण पहाडी क्षेत्रमा कसरी सवारी चलाउने भन्ने एक पाठ दिन्छ । घटनामा भएको कार टाटा पंच भारतमा उपलब्ध सबैभन्दा सुरक्षित कम्प्याक्ट एसयूभी मध्ये एक हो।
यो भारतमा सबैभन्दा धेरै बिक्री हुने यात्रुवाहक गाडी पनि हो। जसले सन् २०२४ को अप्रिलमा १९,१५८ युनिट बिक्री गरेको थियो । जुन गत वर्षको सोही महिनामा बिक्री भएको १०,९३४ युनिटको तुलनामा ७५ प्रतिशतले बढी वार्षिक वृद्धि भएको छ। पंचले विश्वव्यापी सुरक्षा परीक्षणमा राम्रो प्रदर्शन गरेको छ।
Instinct or luck ?#driveresponsibly #safedrive pic.twitter.com/aKGRanTvAI
— Prateek Singh (@Prateek34381357) June 2, 2024
