२०२५ सम्म यूएईमा झनै बलियो आर्थिक वृद्धिको पूर्वानुमान

काठमाडौं । संरचनात्मक सुधार र रणनीतिक पहलले विश्वव्यापी चुनौतीहरूका बीच संयुक्त अरब इमिरेट्स (यूएई) ले ब्यापक आर्थिक वृद्धि गर्ने अनुमान गरिएको छ । सम्भावित रूपमा उल्लेखनीय आर्थिक वृद्धिका लागि तयारी गरिरहेको यूएई प्रशासनले आज सार्वजनिक गरेको छ ।

२०२५ को पूर्वानुमानले विश्वव्यापी अनिश्चितताहरूका बीच लचिलोपन देखाउँने उल्लेख गरेको छ । हालैको यूएईको अर्थ मन्त्रालयको विश्लेषणका अनुसार, संरचनात्मक सुधार र विविध क्षेत्रहरूमा हुने ठूला लगानीहरूबाट देशले फाइदा लिने अवस्थामा उभिएको छ।

योजनाबद्ध वृद्धिको विषयमा प्रकाश पार्दै, अधिकारीहरूले भनेका छन्, यूएईको अर्थतन्त्रले संरचनात्मक सुधार र लगानीबाट बलियो लचिलोपन देखाउने अपेक्षा गरिएको छ । यूएईको अर्थ मन्त्रालयका प्रतिनिधिका अनुसार यूएईले सन् २०२५ मा ५ प्रतिशत भन्दा बढी आर्थिक वृद्धि गर्ने लक्ष्य दिएको छ ।

ूहामी विभिन्न क्षेत्रहरूमा निरन्तर विकास देख्ने अपेक्षा गर्छौं, जुन विश्वव्यापी व्यापार सम्बन्धहरूको सुधारका कारण सम्भव भएको हो, दुबई चेम्बरका एक आर्थिक विश्लेषकले गल्फ न्यूजमा उल्लेख गरेका छन् । यूएईमा पर्यटन क्षेत्र विशेष रूपमा महत्त्वपूर्ण रहने आँकलन गरिएको छ । यसमा अझै ठूलो जनशक्तिलाई रोजगारी मिल्ने बताइएको छ । यूएईको पर्यटन उद्योग पुनरुत्थान भएको छ । निर्माण र उद्योगका क्षेत्रपनि ब्यापक विस्तार हुँदैछन् ।