दैनिक भिजाएको बदाम खाँदा स्वास्थ्यका लागि धेरै फाइदा हुन्छ। भिजाएको बदाम प्रोटिन, भिटामिन, मिनरल्स र फाइबरको राम्रो स्रोत हो, जसले मस्तिष्क, मुटु, पाचन, हड्डी र छालाको स्वास्थ्य सुधार गर्छ। यसले प्रतिरक्षा प्रणाली बलियो बनाउनुका साथै तौल घटाउन र शरीरलाई ऊर्जावान बनाउन मद्दत गर्छ।
पोषणविद् शिखा अग्रवाल शर्माका अनुसार, ६–८ घण्टा भिजाएको बदाम खाँदा पोषण तत्वहरूको अवशोषण बढ्छ। फाइटिक एसिड कम भएर पाचन प्रणाली सुधारिन्छ। भिजेको बदामले मस्तिष्कको कार्यक्षमता बढाउनुका साथै स्मरणशक्ति र एकाग्रता सुधार गर्छ।
भिजाएको बदाम मुटुको स्वास्थ्यका लागि पनि उपयोगी मानिन्छ। यसमा पाइने म्याग्नेसियम र भिटामिन ईले खराब कोलेस्ट्रोल कम गर्न र हृदय रोगको जोखिम घटाउन मद्दत गर्छ। हड्डीलाई मजबुत बनाउन क्याल्सियम र फस्फोरस प्रचुर मात्रामा पाइन्छ।
दैनिक ५–१० भिजेको बदाम खाने बानीले स्वास्थ्यमा सकारात्मक प्रभाव पार्छ। यसलाई बिहान खाली पेटमा खानु अझ फाइदाजनक हुन्छ।
अस्वीकरण: यो लेख सामान्य जानकारीको लागि मात्र हो। यो कुनै पनि हिसाबले औषधि वा उपचारको विकल्प हुन सक्दैन। थप जानकारीको लागि सधैँ आफ्नो डाक्टरसँग परामर्श गर्नुहोस्।
प्रकाशित मिति : २०८१ माघ ११ गते शुक्रवार
