स्वस्थ रहन अहिलेका दिनमा धेरै मानिसले आफ्नो खानपानमा परिवर्तन गरिरहेका छन्। कतिपयले स्वास्थ्यको लागि नयाँ खाद्य पदार्थ समावेश गर्छन् भने केही महत्वपूर्ण खाद्य पदार्थ हटाइरहेका हुन्छन्। विशेषगरी तौल घटाउने लक्ष्यमा रहेका व्यक्तिहरूले आफ्नो डाइटबाट रोटी र कार्बोहाइड्रेटयुक्त खाना हटाउने प्रचलन बढ्दै गएको छ। तर, रोटीजस्तो परम्परागत खाना छोड्दा स्वास्थ्यमा के असर पर्छ भन्नेबारे जान्नु आवश्यक छ।
रोटी छोड्नुका प्रारम्भिक फाइदा
शुरुआतमा रोटी र अन्य कार्बोहाइड्रेटयुक्त खाना छोड्दा केही सकारात्मक असर देखिन सक्छ। एक महिनाभित्र तपाईंलाई शरीर हलुका महसुस हुने, अनुहार कम फुल्ने, र उर्जावान महसुस हुन सक्छ।
तर, लामो समयसम्म छोड्दा हुने समस्या
समयक्रममा, कार्बोहाइड्रेट शरीरको मुख्य उर्जाको स्रोत भएकाले यसको कमीले थकान, कमजोरी, र दिमागी कार्यक्षमतामा कमी आउन सक्छ। पर्याप्त कार्बोहाइड्रेट नभएपछि शरीरले प्रोटीन तोडेर ऊर्जा उत्पादन गर्छ, जसले मांसपेशी घटाउने सम्भावना बढाउँछ।
पाचन र ब्लड शुगरमा असर
रोटीजस्तो खाद्य पदार्थले शरीरलाई आवश्यक फाइबर प्रदान गर्छ। यसलाई छोड्दा पाचनसम्बन्धी समस्या र मल त्यागमा गडबडी हुन सक्छ। साथै, कार्बोहाइड्रेटको कमीले ब्लड शुगर स्थिर राख्न मद्दत गर्न सक्छ, तर लामो समयसम्म यसले ऊर्जा कमी र मानसिक फोकसमा समस्या निम्त्याउन सक्छ।
विशेषज्ञको सल्लाहमा मात्रै परिवर्तन
डाइटमा कुनै पनि ठूलो परिवर्तन गर्नुअघि स्वास्थ्य विशेषज्ञसँग परामर्श लिन आवश्यक छ। शरीरलाई आवश्यक सबै पोषण तत्त्व सुनिश्चित गर्ने कुरामा ध्यान दिनुपर्छ। रोटीजस्तो परम्परागत खाना पूर्ण रूपमा हटाउनु स्वास्थ्यका लागि दीर्घकालीन समस्या हुन सक्छ।
प्रकाशित मिति : २०८१ माघ १४ गते सोमवार
