काठमाडौं । काठमाडौँको टोखा नगरपालिका–८ बानियाँटार स्थित ३७ वर्षीया सावित्राकुमारी कँडेलको डेराबाट करिब १ लाख ९९ हजार रुपैयाँको सुनका गहना र नगद चोरी भएको छ।
चोरीको घटना बुधबार दिउँसो घटेको हो। टोखा नगरपालिकास्थित कँडेलको डेराबाट ल्यापटप, मोबाइल, सुन र नगद चोरी भएको स्थानीय प्रहरी कार्यालय काठमाडौँले जानकारी दिएको छ।
पर्साको सखुवा प्रसौनी घरकी कँडेलको डेराबाट चोरी भएको घटनामा संलग्न आरोपीको खोजी जारी रहेको प्रहरीले जनाएको छ।
प्रकाशित मिति : २०८१ फाल्गुन ३० गते शुक्रवार
