काठमाडौं। नेकपा एकीकृत समाजवादीको कार्यालय आलोकनगरमा समाजवादी मोर्चाको बैठक सुरू भएको छ। बैठकमा माओवादी केन्द्र, एकीकृत समाजवादी, नेपाल कम्युनिष्ट पार्टी (विप्लव) र नेपाल समाजवादी पार्टीका प्रतिनिधिहरू सहभागी छन्।
बैठकमा राजावादी शक्तिहरूको गतिविधि र चैत्र १५ गतेको प्रदर्शनको तयारीबारे छलफल भइरहेको छ। यसका साथै, विद्युत् प्राधिकरणका कार्यकारी निर्देशक कुलमान घिसिङको बर्खास्तगीपछि विपक्षी दलहरूको विरोधका कारण आज प्रतिनिधि सभा र राष्ट्रिय सभा बैठक स्थगित भएका छन्।
समाजवादी मोर्चामा माओवादी केन्द्र, एकीकृत समाजवादी, नेपाल कम्युनिष्ट पार्टी (विप्लव) र नेपाल समाजवादी पार्टी आवद्ध छन्।
प्रकाशित मिति : २०८१ चैत्र १२ गते बुधवार
