काठमाडौं । नेकपा एमालेले राजावादीको हिंसाविरुद्ध मोटरसाइकल र्याली आयोजना गरेको छ, जसका कारण तीनकुने क्षेत्रको ट्राफिक अव्यवस्थित बनेको छ। एमालेका भातृसंस्था युवा संघको नेतृत्वमा सम्पन्न र्यालीले सिनामंगल–कोटेश्वर रिङरोड र कोटेश्वरबानेश्वर सडकमा गडबडी उत्पन्न गरेको हो।
एमाले महासचिव शंकर पोखरेलले उक्त र्याली र जागरणसभा देशभरि आयोजना गरिएको जानकारी दिएका छन्। उनले गणतन्त्र जिंदाबाद, प्रतिगमन मुर्दावाद, हिंसा र लुटपाट मुर्दावाद, र जन्मसिद्ध श्रेष्ठता अस्वीकारका नारा सार्वजनिक गरेका थिए।
प्रकाशित मिति : २०८१ चैत्र १७ गते सोमवार
