काठमाडौँ। वातावरण प्रदूषणको हालको अवस्थाबारे सहरी विकास मन्त्रालयमा छलफल भएको छ। प्रदूषणको बढ्दो स्तरलाई कसरी रोक्ने र यसको असर कम गर्ने विषयमा बिहीबार कार्यवाहक प्रधानमन्त्री र सहरी विकासमन्त्री प्रकाशमान सिंहले सरोकारवाला र विज्ञहरूसँग बैठक गरेका हुन्।
छलफलमा सहभागी विज्ञहरूले प्रदूषण घट्न नहुँदासम्म हप्तामा दुई दिन सार्वजनिक बिदा दिने र सवारी साधनको लागि जोर–बिजोर प्रणाली लागू गर्ने सुझाव दिएका छन्। साथै, सडक र अन्य आयोजना निर्माण गर्दा प्रदूषणसम्बन्धी शुल्क अनिवार्य तिर्ने व्यवस्था गर्ने पनि उनीहरूको सुझाव थियो।
सिंहले प्रदूषण रोक्न उद्योग, कलकारखाना र अन्य पूर्वाधार निर्माणको प्रभावलाई ध्यानमा राखेर पहल गर्ने बताएका छन्। उनले भने, ‘प्रदूषण न्यूनीकरणका लागि सम्बन्धित निकायसँग छलफल गर्ने छौँ र त्यसपछि मात्रै निर्णय गर्नेछौँ।’
प्रकाशित मिति : २०८१ चैत्र २० गते बिहिवार
