काठमाडौं । नेपाली बजारमा सुनको मूल्यले फेरि नयाँ रेकर्ड बनाएको छ। बिहीबार छापावाल सुनको मूल्य तोलामा १ लाख ९० हजार ६०० रुपैयाँ पुगेको नेपाल सुनचाँदी व्यवसायी महासंघले जनाएको छ।
अघिल्लो दिनको तुलनामा एकैपटक ३६०० रुपैयाँले वृद्धि भएको हो। अघिल्लो दिन सुनको मूल्य १ लाख ८७ हजार रुपैयाँ थियो।
महासंघका अनुसार अब १० ग्राम छापावाल सुनको मूल्य १ लाख ६३ हजार ४१० रुपैयाँ पुगेको छ।
त्यस्तै, चाँदीको मूल्य पनि बढेर तोलामा १९६० रुपैयाँ पुगेको छ। अघिल्लो दिनको दर १९५५ रुपैयाँ थियो।
प्रकाशित मिति : २०८२ बैशाख ४ गते बिहिवार
