काठमाडौं । काठमाडौं महानगरपालिका–८ स्थित जयबागेश्वरीमा जुवातास खेलिरहेका ७ जना पक्राउ परेका छन्। भीम संगतको घरमा जुवा खेल्दै गरेको सूचनाका आधारमा शुक्रबार साँझ प्रहरी वृत्त गौशालाबाट खटिएको टोलीले उनीहरूलाई पक्राउ गरेको हो।
पक्राउ पर्नेमा घरधनी ६६ वर्षीय भीम संगतसहित ७ जना छन्। प्रहरीले घटनास्थलबाट १ लाख ७ हजार ९१५ रुपैयाँ नगद र ४ बुक तास बरामद गरेको जनाएको छ।
उनीहरूलाई आवश्यक अनुसन्धानका लागि नियन्त्रणमा लिइएको प्रहरीले जानकारी दिएको छ।
प्रकाशित मिति : २०८२ जेष्ठ ५ गते आइतवार
