काठमाडौँ। राष्ट्रपति रामचन्द्र पौडेलले आगामी फागुन २१ गते प्रतिनिधिसभा निर्वाचन सफलतापूर्वक सम्पन्न गराउन सबै राजनीतिक पक्षलाई सहयोग गर्न अपिल गरेका छन्।
राष्ट्रपति पौडेलले शनिबार जारी वक्तव्यमा भनेका छन्, ‘देशको अत्यन्त असहज र विषम परिस्थितिमा कठिन प्रयासपछि शान्तिपूर्ण निकास निस्किएको छ। संविधान, संसदीय प्रणाली र संघीय लोकतान्त्रिक गणतन्त्र बचाइएको छ। छ महिनाभित्र प्रतिनिधिसभा निर्वाचन सम्पन्न गरी लोकतन्त्रको उन्नत बाटोमा अघि बढ्न जनताले अवसर पाएका छन्।’
प्रकाशित मिति : २०८२ भाद्र २८ गते शनिवार
