काठमाडौंबाट उडेको जहाजमा चरा ठोक्कियो, बुद्ध एयरले के भन्यो ?

काठमाडौं । काठमाडौंबाट पोखराका लागि उडेको बुद्ध एयरको उडानमा अवतरणको क्रममा चरा ठोक्किएको छ। शनीबार, उडान संख्या ६१७, जहाज नं. ९ एन–एओसी अवतरण गर्दा चरा ठोक्किएको बुद्ध एयरले पुष्टि गरेको छ। सबै यात्रु र चालक दल सुरक्षित छन्। जहाजलाई पोखरास्थित प्राविधिक टोलीले जाँच गरिरहेको छ। विमानमा कुनै गम्भीर क्षति नभएको बताइएको छ।