काठमाडौँ । गृहमन्त्री सुधन गुरुङले सीमावर्ती क्षेत्रमा कार्यरत प्रहरीको मनोबल बढाउन बोर्डर आउट पोस्टमा पूर्वाधार निर्माण सरकारको पहिलो प्राथमिकता रहेको बताएका छन्।
राष्ट्रिय सभाको संघीयता सबलीकरण तथा राष्ट्रिय सरोकार समितिमा उनले अधिकांश नाकामा प्रहरी जीर्ण भवन र चुहिने छानामुनि बसेर ड्युटी गर्न बाध्य भएको उल्लेख गर्दै समस्या समाधानका लागि बजेट विनियोजन गरिएको जानकारी दिए।
गुरुङले सीमा सुरक्षा तथा अपराध नियन्त्रणका लागि ड्रोन निगरानी गर्ने र नाकामा फेस रिकोग्निसनसहितको प्रणाली जडान गर्ने योजना रहेको बताए। उनले “सुरक्षाकर्मीको सुरक्षा सुनिश्चित भए नागरिकको सुरक्षा अझ प्रभावकारी हुन्छ” भन्दै प्रविधिमार्फत सीमाको निगरानीलाई प्राथमिकता दिने स्पष्ट पारे। यसरी गृहमन्त्री गुरुङले सीमामा प्रविधि प्रयोग गर्दै अपराध नियन्त्रण र सुरक्षाकर्मीको मनोबल बढाउने योजनाबारे जानकारी दिएका छन्।
