सुर्खेत । बालेन शाह नेतृत्वमा सरकार बनेपछि सरकारी सेवामा मिश्रित सुधार देखिएको पक्कै हो । तर मालपोत, नापी, प्रशासन र यातायात कार्यालयमा सेवाग्राहीको अनुभव मिश्रित देखिएको छ। मालपोतमा असार मसान्तसँगै घरजग्गा कारोबार घट्दा चाप कम भए पनि कतिपय सेवाग्राहीले तीन घण्टामै काम सकिएको अनुभव सुनाएका छन्। कर्मचारीको व्यवहारमा नम्रता आएको जनाइएको छ। तर कतिपय सेवाग्राही अझै पटक–पटक फर्काइएका छन्।
नापी कार्यालयमा चाप कम हुँदा काम छिटो भएको छ। प्रशासन कार्यालयमा टोकन प्रणाली र ज्येष्ठ नागरिकलाई प्राथमिकता दिइने व्यवस्था सुरु भएको छ। राहदानी घरमै पुर्याउने सेवा सुरु भई ११६ जनाले लाभ लिएका छन्। तर यातायात कार्यालयमा भने सेवाग्राहीले ‘यातना’ झेल्नुपरेको गुनासो अझै छ । सवारीसाधन नवीकरणका लागि घण्टौँ लाइन बस्नुपर्ने अवस्था छ। बैंक भुक्तानीमा समेत लामो लाइनले सेवाग्राहीलाई दिक्क बनाएको छ।
विश्लेषकहरूले कर्मचारीको व्यवहारमा सुधार भए पनि सेवा प्रवाहमा कानुनी सुधार आवश्यक रहेको बताएका छन्। बालेन सरकारको शासकीय सुधार अभियानले केही सकारात्मक संकेत देखाए पनि अपेक्षित परिणाम अझै नआएको जनाइएको छ।
