७ चैत्र, काठमाडौँ । महाबौद्धस्थित लक्ष्मीनारायण भवनमा सञ्चालित खाजा घरमा कुकर पड्किँदा ३४ वर्षीय ज्ञान बहादुर श्रेष्ठ घाइते भएका छन् । घटना बुधबार बिहान साढे सात बजे भएको हो ।
श्रेष्ठ, जो सिन्धुपाल्चोक जुगल गाउँपालिका निवासी हुन् र हाल काठमाडौंको २७ नम्बर क्षेत्रमा बसोबास गर्दै आएका छन्, खाजाघरमा चना उसिन्ने क्रममा सिट्ठी नलागेपछि कुकर हल्लाएका थिए । यस क्रममा अचानक कुकर पड्किएर श्रेष्ठ घाइते भए ।
उक्त घटनामा घाइते भएका श्रेष्ठलाई तत्काल उपचारका लागि उनका भाइ जितमानले वीर ट्रमा सेन्टर पुर्याएका थिए । एसपी अपिल बोहराका अनुसार, श्रेष्ठको दाहिने खुट्टा फ्याक्चर भएको र बाँया हातमा चोट लागेको छ ।
प्रकाशित मिति : २०८१ चैत्र ६ गते बिहिवार
