काठमाडौं। रौतहटको गौरबाट काठमाडौं आउँदै गरेको जिप इन्द्रसरोवर गाउँपालिका–२ बतासेमा दुर्घटनामा परेको छ, जसमा १० जना घाइते भएका छन्।
आज बुधबार दिउँसो भएको दुर्घटनामा १ नं. जिप (ना१ज ५४८५) को ब्रेक फेल भएर भीमफेदी–कुलेखानीसिस्नेरी सडक खण्डको १०० मिटर तल खोल्सामा खस्दा ३ जना यात्रु गम्भीर घाइते भएका छन्।
मकवानपुरका प्रहरी नायव उपरीक्षक श्यामु अर्यालका अनुसार, १ जना घाइतेको अवस्था मध्यम र ५ जना घाइतेको अवस्था सामान्य रहेको छ।
घाइतेहरूको पहिचान हुन बाँकी रहेको र उपचारका लागि काठमाडौं पठाइएका छन्। जिप चालक प्रहरी चौकी खानीखेतसँग सम्पर्कमा रहेको प्रहरी जानकारी दिएका छन्।
प्रकाशित मिति : २०८१ चैत्र १९ गते बुधवार
