काठमाडौं । धार्मिक सद्भाव भड्काएको आरोपमा पर्साको वीरगञ्जबाट चार जना पक्राउ परेका छन् ।
जिल्ला प्रहरी कार्यालयका अनुसार उनीहरू छतबाट ढुंगा हानेको र मोटरसाइकलमा तोडफोड गरेको आरोपमा पक्राउ परेका हुन् । शोभायात्राका क्रममा दुई धार्मिक समुदायबीच झडप भएपछि स्थिति तनावग्रस्त बनेको थियो ।
प्रहरीले स्थिति नियन्त्रणमा लिन लाठीचार्जसमेत गरेको थियो भने प्रशासनले कर्फ्यु आदेश जारी गरेको थियो । पक्राउ गरिएकाहरुलाई धार्मिक सद्भाव भड्काएको आरोप लगाइएको छ ।
प्रकाशित मिति : २०८२ बैशाख २ गते मङ्गलवार
