काठमाडौं । नेपाली कांग्रेसले आकस्मिक बैठक बोलाएको छ। बैठक सोमबार अपराह्न ५ बजे सभापति शेरबहादुर देउवाको आह्वानमा बस्ने भएको छ।
सामाजिक सञ्जाल बन्द र भ्रष्टाचारविरुद्ध जेनजीले काठमाडौंसहित देशका विभिन्न सहरमा प्रदर्शन गरेपछि कांग्रेसले आकस्मिक बैठक बोलाएको हो।
यसअघि बिहान महामन्त्रीद्वय गगन थापा र विश्वप्रकाश शर्माले सभापति देउवालाई भेटेर जेन-जीको आवाज सुन्न र सामाजिक सञ्जाल खुला गर्न प्रधानमन्त्रीसँग पहल गर्न ध्यानाकर्षण गराएका थिए।
प्रकाशित मिति : २०८२ भाद्र २३ गते सोमवार
