काठमाडौं। सिटिजन्स बैंक इन्टरनेशनलले आजदेखि ऋणपत्र बिक्री खुला गरेको छ। बैंकले १० वर्ष अवधिको ‘१०% सिटिजन्स बैंक डिबेन्चर २०९०’ ऋणपत्र जारी गर्न लागेको हो। असोज २१ गतेसम्म ऋणपत्र निष्कासन गर्नेछ। यसभित्र बिक्री भएन भने कात्तिक १ गतेसम्म बिक्री खुला हुने छ।
बैंकले कुल ३ अर्ब रुपैयाँको ऋणपत्र जारी गर्दैछ। जसबापत वार्षिक ब्याज १० प्रतिशत दिनेछ। कुल ३० लाख कित्तामध्ये १८ लाख कित्ता ‘प्राइभेट प्लेसमेन्ट’ र बाँकी सर्वसाधारणलाई बिक्री गरिने छ। ऋणपत्रको अंकित मूल्य १००० रुपैयाँ छ। यसमा कम्तिमा २५ कित्ता र अधिकतम सबै कित्ता खरिद गर्न सकिने छ।
प्रकाशित मिति : २०८० असोज १७ गते बुधवार
