काठमाडौँ । नेपाली बजारमा आज (बिहीबार) सुनको मूल्य ह्वात्तै वृद्धि भएको छ । नेपाल सुनचाँदी व्यवसायी महासंघका अनुसार बुधबार १ लाख १८ हजार ७०० रुपैयाँमा कारोबार भएको छापावाल सुन आज तोलामा १ लाख १९ हजार २०० रुपैयाँ तोकिएको छ ।
यस्तै बिहीबार तेजाबी सुन तोलामा १ लाख १८ हजार ६५० रुपैयाँमा कारोबार भएको महासंघले जनाएको छ । यसैबिच बिहीबार चाँदी तोलामा १ हजार ४१० रुपैयाँमा कारोबार भएको छ । अघिल्लो दिन चाँदी तोलामा १ हजार ४२० रुपैयाँमा कारोबार भएको थियो ।
प्रकाशित मिति : २०८० माघ १८ गते बिहिवार
