काठमाडौं । तनहुँको पृथ्वीराजमार्गअन्तर्गत म्याग्दे गाउँपालिका–४ घुम्तीमा बस दुर्घटना हुँदा २२ यात्रु घाइते भएका छन्। पोखराबाट सुर्खेततर्फ जाँदै गरेको ना ७ ख ६८४१ नम्बरको बस मङ्गलबार दिउँसो सडकबाट करिब २० मिटर तल खसेको थियो। दुर्घटनाको कारण खुल्न सकेको छैन, तर घाइते यात्रुहरूको उपचार दमौलीका विभिन्न अस्पतालहरूमा भइरहेको प्रहरीले जनाएको छ।
जिल्ला प्रहरी कार्यालय तनहुँका प्रहरी नायव उपरीक्षक अशोक थापाका अनुसार घाइतेहरूमध्ये १५ जना प्रदेश अस्पताल दमौलीमा, सात जना रत्नहरी अस्पताल दमौलीमा, तथा तीन जना म्याग्दे पोलिक्लिनिकमा उपचाररत छन्। दुर्घटनाबारे विस्तृत जानकारी सङ्कलन भइरहेको छ।
प्रकाशित मिति : २०८२ जेष्ठ ७ गते मङ्गलवार
