काठमाडौं । जर्मन शहर ह्याम्बर्गको मुख्य रेल स्टेशनमा छुरा आक्रमण हुँदा १२ जना घाइते भएका छन् । स्थानीय सञ्चार माध्यमहरूले यो पुष्टि गरेका छन् । रिपोर्टअनुसार, घाइतेमध्ये तीन जनाको अवस्था अत्यन्तै गम्भीर छ भने तीन अन्य पनि गम्भीर चोटग्रस्त छन्।
प्रहरीले एक जनालाई पक्राउ गरेको र घटनास्थलमा ठूलो सुरक्षात्मक अपरेशन चलिरहेको जनाएको छ। आक्रमण शुक्रबार साँझ करिब १८ः०० स्थानीय समय (१७ः००) मा ह्याम्बर्ग सेन्ट्रल स्टेशनमा भएको बताइएको छ।
समाचार संस्थालाई ह्याम्बर्ग दमकल विभागका प्रवक्ताले भनेका छन् कि १२ जना घाइते भएका छन् र केहीको अवस्था जीवनको खतरा हुने किसिमको छ।
एक्स (पूर्व ट्विटर) मा पोस्ट गर्दै ह्याम्बर्ग प्रहरीले भनेको छ कि प्रारम्भिक जानकारीअनुसार, एक व्यक्तिले मुख्य स्टेशनमा धेरै जनालाई छुरा प्रहार गरी घाइते बनाएको छ। संदेहीलाई प्रहरीले पक्राउ गरेको छ।
