श्रीलंकाविरुद्धको अन्तिम टी–२० मा ८ विकेटको एकपक्षीय जित निकाल्दै इंग्ल्यान्डले शृंखला ३–० ले ‘क्लीन स्विप’ गर्यो। ओल्ड ट्राफोर्डमा १२५ रनको लक्ष्य ९.४ ओभरमै भेट्दै इंग्ल्यान्डले टी–२० इतिहासकै ठूलो जित हात पार्यो। जोस बट्लरले ३२ बलमा अविजित ६२ रन र कप्तान ह्यारी ब्रुकले २१ बलमा ३३ रन बनाए।
श्रीलंका १८.५ ओभरमा १२४ रनमै समेटियो। पथुम निसन्का (३६) र कमिन्दु मेन्डिस (३५) बाहेक अन्यले योगदान दिन सकेनन्। इंग्ल्यान्डका बेकर, आर्चर, विल ज्याक्सले २–२ विकेट लिए भने जेमी ओभरटनले किफायती बलिङ गर्दै १ विकेट हात पारे।
सन् २०२४ मा कप्तान बनेयता ब्रुकको नेतृत्वमा इंग्ल्यान्डले खेलेका २६ टी–२० मध्ये २३ खेल जितेको छ। यस जितसँगै इंग्ल्यान्ड भारतलाई पछि पार्दै आईसीसी टी–२० विश्व वरीयताको नम्बर वानमा उक्लिएको छ। मंगलबारदेखि डरहाममा दुई टोलीबीच ओडीआई शृंखला सुरु हुनेछ।
