झापा । आठ दिनअघि मोटरसाइकल दुर्घटनामा परी घाइते भएकी झापा बुद्धशान्ति १ की २१ वर्षिया एलिसा अधिकारीको उपचारका क्रममा मृत्यु भएको छ । आठ दिनअघि बुद्धशान्ति गाउँपालिका–१ स्थित शान्ति चोकमा भएको मोटरसाइकल दुर्घटनामा परि घाइते भएकी अधिकारीको गए राती उपचारको क्रममा बिर्तासिटि हस्पिटल बिर्तामोडमा मृत्यु भएको प्रहरीले जनाएको छ ।
उनी स्थानीय सीतारमेश बहुमुखी क्याम्पसमा बीबीएस दोस्रो वर्षकी विद्यार्थी थिइन् । मे ७ प ८१८१ नं को मोटरसाइकलमा मृतक अधिकारीसहित तीन जना सवार थिए । दुर्घटनामा सोही मोटरसाइकलको पछाडि सवार बुद्धशान्ति १ कै २० वर्षिया स्वस्तिका श्रेष्ठ पनि सामान्य घाइते भएकी थिइन् । मोटरसाइकलका चालक २५ वर्षिय दिपेश ढकाल र अर्का मोटरसाइकलका चालक ५८ वर्षिय धनबहादुर राईलाई प्रहरीले नियन्त्रणमा लिएको छ ।
प्रकाशित मिति : २०८० जेष्ठ २१ गते आइतवार
