२०८१ असार २ गते शनिवार | 2024 June 15th Saturday

Preeti To Unicode   www.en.janaboli.com      www.pressadda.com

ट्रक र जीप ठोक्किँदा भयानक दुर्घटना : १४ जनाको ज्यान गयो, १२ जना घाइते

bangaladesh accident

काठमाडौं । ट्रक र जीप ठोक्किँदा भयानक दुर्घटना भएको छ । दुर्घटनामा १४ जनाको ज्यान गएको छ भने १२ जना घाइते भएका छन् । बङ्लादेशको सिलेट जिल्लामा ट्रक र जीप ठोक्किँदा कम्तीमा १४ जनाको ज्यान गएको हो । अन्य १२ जना घाइते भएको प्रहरीले पुष्टि गरेको छ ।

राजधानी ढाकाबाट झण्डै २ सय ४० किलोमिटर उत्तरपूर्वमा रहेको सिलेटमा हिजो भएको दुर्घटनामा धेरैजसो मजदुर परेका सिलेटको दक्षिण सुर्मा प्रहरी चौकीका इन्स्पेक्टर मोहम्मद अबुल हुसेनलाई उद्धृत गरी चिनियाँ समाचार संस्था सिन्ह्वाले जनाएको छ । घाइते सबैको स्थानीय अस्पतालमा उपचार भैरहेको छ ।

बङ्लादेशमा सडक दुर्घटनाका कारण हुने मृत्युदर विश्वमै सबैभन्दा धेरै छ । खराब सडक र पुराना गाडी तथा चालकले ट्राफिक नियमको उल्लङ्घन गर्नु दुर्घटनाका प्रमुख कारण मानिएको छ ।

 

प्रकाशित मिति : २०८० जेष्ठ २५ गते बिहिवार
प्रतिक्रिया दिनुहोस