काठमाडौं । काठमाडौँ महानगरपालिकाका मेयर बालेन साह (बालेन्द्र) ले भारतीय चलचित्र ‘आदिपुरुष’मा समावेश गरिएको ‘जानकी भारतीय छोरी हुन्’ भन्ने शब्द नहटाएसम्म महानगरभित्र कुनै पनि हिन्दी फिल्म चल्न नदिने बताउनुभएको छ ।
उहाँले बिहीबार साँझ सामाजिक सञ्जालमार्फत यस्तो चेतावनी दिनुभएको हो । ‘दक्षिण भारतीय फिल्म ‘आदिपुरुष’मा समावेश ‘जानकी भारतीय छोरी हुन्’ भन्ने शब्द जबसम्म नेपालमा मात्र नभइ भारतमा पनि सच्चिदैन, तबसम्म काठमाडौँ महानगरपालिकाभित्र कुनै पनि हिन्दी फिल्म चल्न दिइने छैन,’ उहाँले भन्नुभएको छ ।
उहाँले उक्त शब्द सच्याउन तीन दिनको समयसमेत दिनुभएको छ । उहाँले भन्नुभएको छ, ‘यो सच्याउन तीन दिनको समय दिइएको छ। माता सीताको जय होस्।’ ओम राउतको निर्देशनमा बनेको चलचित्र भोलि शुक्रबारदेखि रिलिज हुँदैछ।
दक्षिण भारतीय फिल्म ‘आदिपुरुष’मा समावेश ‘जानकी भारतीय छोरी हुन्’ भन्ने सब्द जबसम्म नेपालमा मात्र नभै भारतमा पनि सच्चिदैन तब सम्म काठमाडौ महानगर पालिका भित्र कुनै पनि हिन्दी फिल्म चल्न दिइने छैन ।
यो सच्याउन ३ दिनको समय दिइएको छ ।
माता सीताको जय होस । pic.twitter.com/4VwEhEgOki— Balen Shah (@ShahBalen) June 15, 2023
