२०८१ साउन १२ गते शनिवार | 2024 July 27th Saturday

Preeti To Unicode   www.en.janaboli.com      www.pressadda.com

राजनीतिक यात्रा अत्यन्त सकारात्मक र उर्जावान भएको छः रवि लामिछाने

काठमाडौं । राष्ट्रिय स्वतन्त्र पार्टीका सभापति रवि लामिछानेले पार्टीको एक वर्षको यात्रा आफूले अत्यन्त सकारात्मक, उर्जावान र आशा र भरोसाको रुपमा पाएको बताउनुभएको छ । पार्टी स्थापनाको एक वर्ष पूरा भएको अवसरमा आयोजित पत्रकार सम्मेलनलाई सम्बोधन गर्दै उहाँले यात्रा सुरुवात गर्दाखेरी नै विश्वास भएपनि उक्त विश्वास मतमा बदलिने कुरामा हेक्का नरहेको बताउनुभयो ।

‘अन्तन्त सकारात्मक, अत्यन्त उर्जावान र नेपाली जनताले आशा र भरोसाको रुपमा हेरेको यात्राको रुपमा मैले पाएको छु । सुरुवात गर्दाखेरी हामीलाई विश्वास त थियो तर त्यो विश्वास मतमा बदलिन्छ कि बदलिँदैन भन्ने कुराको हेक्का थिएन,’– उहाँले भन्नुभयो ।

समाजले परिवर्तन खोजेको छ भन्ने कुराको जानकारी विभिन्न माध्यमबाट पाए पनि साच्चै नै समाज परिवर्तनका लागि तयार नै भएको कुरा निर्वाचनले पुष्टि गरेको उहाँको दाबी छ ।

‘समाज परिवर्तनका लागि तयार नै भएको हो र त्यो तयार भएको कुरा मतपत्रबाट नै जाहेर गर्छ भन्ने कुराको स्पष्ट संकेत हाम्रो भाषामा घण्टी बजिनै सकेको छ । यो एक वर्षको यात्रा अत्यन्त सौहार्दपूर्ण रह्यो । यसलाई अत्यन्त सकारात्मक रुपमा हेरेको छु,’– उहाँले भन्नुभयो । आम नागरिकसम्म पुगेर पार्टीका एजेण्डाबारे स्पष्ट पार्नु अहिले आफूले चुनौतिको रुपमा हेरेको पनि उहाँले बताउनुभयो ।

 

प्रकाशित मिति : २०८० असार ७ गते बिहिवार
प्रतिक्रिया दिनुहोस