काठमाडौ । चिनियाँ अर्बपति ज्याकमा नेपालको तीनदिने बसाइपछि आज पाकिस्तान जानुभएको छ ।
बिहान ११ः२५ को फ्लाइटमा पाकिस्तानको लाहोरका लागि जेट बिमान उडेको त्रिभुवन अन्र्तराष्ट्रिय विमानस्थलका प्रवक्ता टेकनाथ सिटौलाले जानकारी दिनुभयो ।
उहाँ मंगलबार सिङ्गापुरबाट बंगलादेशको भीपीसीएमए विमान चर्टर गरेर नेपाल आउनुभएको थियो । उहाँसहित अरु ६ जना पनि आउनुभएको थियो । जसमा एकजना महिला पनि ज्याकमाको टोलीमा हुनुहुन्छ ।
अध्यागमन विभागका अनुसार ज्याकमा ३ दिनको टुरिष्ट भिसा लिएर नेपाल भित्रिनुभएको थियो । ज्याक मा विश्वचर्चित कम्पनी अलिबाबाका संस्थापक हुनुहुन्छ । उहाँले नेपालमा कालिमाटीको तरकारी पसल समेत अनुगमन गर्नुभएको थियो ।