२०८१ जेष्ठ ८ गते मङ्गलवार | 2024 May 21st Tuesday

Preeti To Unicode   www.en.janaboli.com      www.pressadda.com

यी सात जिल्लाका नदी र खोलामा पानीको बहाव उल्लेख्य बढ्ने, केहीमा आकस्मिक बाढीको जोखिम

काठमाडौं । आज (आइतवार) देशका सात जिल्ला आसपास भई बहने नदी र स(साना खोलाहरूमा पानीको बहाव उल्लेख्य बढ्ने देखिएको छ ।

जल तथा मौसम विज्ञान विभाग, बाढी पूर्वानुमान महाशाखाका अनुसार आज इलाम, झापा, पाचँथर, संखुवासभा, मकवानपुर, बारा र पर्सा आसपास भई बहने केही स–साना नदीहरूमा जलसतह बढ्ने तथा केहीमा आकस्मिक बाढी आउने सम्भावना रहेको छ ।

यी क्षेत्रका तटीय भू–भागमा विशेष सतर्कता अपनाउन पनि महाशाखाले आग्रह गरेको छ ।

साथै मोरङ, सुनसरी, सप्तरी, सिरहा, धनुषा, महोत्तरी, सर्लाही, रौतहट, चितवन, रुपन्देही, कपिलवस्तु, पाल्पा, नवलपरासी (पूर्व), नवलपरासी (पश्चिम), स्याङजा, गुल्मी, अर्घाखाँची, कैलाली, कन्चनपुर, डोटी, डडेल्धुरा, बैतडी र दार्चुला आसपास भई बहने केही स(साना नदीहरूमा बहाव बढ्न सक्ने पूर्वानुमान छ । यी क्षेत्र भई बहने नदी तटीय क्षेत्रहरूमा सामान्य सतर्कता अपनाउन महाशाखाले आग्रह गरेको छ ।

प्रकाशित मिति : २०८० असार १७ गते आइतवार
प्रतिक्रिया दिनुहोस