काठमाडौं । काठमाण्डौ महानगरपालिकाले लाजिम्पाटमा रहेको आकाश फुड्सलाई एक लाख ५० हजार रुपैयाँ जरिबाना तिराएको छ । किरा र ढुसी परेको मिठाइ बेचेको भेटिएपछि महानगरले जरिबाना गराएको हो ।
आकाश फुड्सले केही दिनअघि सडेगलेको र ढुसी परेको मिठाइ तथा किरा परेको अन्य खाद्य सामाग्री बिक्री–वितरण गरेको भेटिएको थियो । महानगरले सात दिनभित्र बजार अनुगमन समितिको खातामा रकम जम्मा गर्न आदेश पनि दिएको छ । तोकिएको समयभित्र जरिबाना नतिरे थप कारबाही हुनेसमेत महानगरले पसल सञ्चालकलाई जानकारी गराएको छ ।
प्रकाशित मिति : २०८० असार २५ गते सोमवार
