काठमाडौं । अनलाइन सट्टेबाजी एप वान–एक्स बेटको विज्ञापन गरेको आरोपमा पक्राउ परेका ९ जना कलाकार र युट्युवर यसैसाता रिहा भए । ३० दिनको हिरासत बसाइपछि उनीहरु अदालतको आदेशमा छुटेका थिए । यसरी रिहा हुनेमा चर्चित कलाकारहरु मरिचमान श्रेष्ठ बल्छी धुर्बेपनि छन् । जेलबाट छुटेपछि धुर्वेले अब चै अति नै सचेत र सजग भएर काम गर्ने बताएका छन् ।
एक अनलाइनसँग कुरा गर्दै बल्छी धुर्बेले हिरासत बसाइको अनुभव बाँड्दै छिट्टै काममा फर्कने बताएका छन् । ‘हल्का रमाइलो’ अर्को आइतबार र ‘जुठे’ दुई सातापछि प्रसारण हुने उनले बताए । आफूहरु केही मानसिक रुपमा समस्यामा रहेको बताउँदै बल्छी धुर्बेले आगामी दिनमा सजग भएर काम गर्ने प्रतिबद्धता जनाएका छन् ।
प्रकाशित मिति : २०८० असार ३० गते शनिवार
