काठमाडौं । अभिनेत्री करिश्मा मानन्धरले पुस्तकालय खोल्ने तयारी गरेकी छन् । उनले सामाजिक सञ्जालमार्फत ललितपुरको गोदावरीबाट यो अभियान सुरु गर्ने जानकारी दिएकी हुन् । पुस्तकालयमा अहिलेसम्म आफ्नो घरमा संकलित पुस्तक राख्ने जानकारी दिँदै उनले थप पुस्तकका लागि सहयोगको अपिल गरेकी छन् ।
‘सानो सोच, एउटा सानो सोच आएको छ, स्यानो पुस्तकालय बनाउने, गोदावरीबाट सुरु गरौँ कि’, उनले भनेकी छन्, ‘केही किताब छन् घरमा जुन विनोदजी (श्रीमान्) र मैले पढ्ने क्रममा बटुलेका थियौँ, हजुरहरूसँग केही राम्रा किताबहरू छन् भने उपहारस्वरूप दिनुहोस्।’
प्रकाशित मिति : २०८० साउन ५ गते शुक्रवार
