काठमाडौं । एसिया कपको समूह चरणमा भारत र पाकिस्तानबीचको खेल वर्षाले बिथोलेको छ । खेलमा नतिजा नआएपछि दुवै टीमले १–१ अंक बाँडेका छन् ।
सुरुदेखि वर्षाले प्रभावित खेलमा टस जितेर भारतले ब्याटिङ रोजेको थियो । भारतले ४९.५ ओभरमा सबै विकेट गुमाएर २६६ रन जोड्यो । तर दोस्रो इनिङमा लगातार पानी परेपछि पाकिस्तानले ब्याटिङ गर्न सकेन । खेल रद्दको घोषणा गरिएको छ ।
पाकिस्तानले ३ अंकसहित सुपर चारमा स्थान बनाएको छ । भारतले भने नेपालसँगको खेल पर्खिनुपर्नेछ । नेपाल र भारत बीचको म्याचमा विजयी टिम सुपर फोरमा पुग्ने छन् । अंक बाँड्नुपर्ने अवस्थामा नेपाल बाहिरिने छ ।
प्रकाशित मिति : २०८० भाद्र १७ गते आइतवार
