२०८१ असार ३१ गते आइतवार | 2024 July 14th Sunday

Preeti To Unicode   www.en.janaboli.com      www.pressadda.com

भारतसँग हारेपनि नेपालले दुनियाँको मन जित्यो

Nepali Cricket team

काठमाडौं । एसिया कपमा जीत हात पार्नभन्दापनि नेपाल सिक्न गएको थियो । पहिलो खेल पाकिस्तानसँग खराब भएपनि छिमेकी मुलुक भारतसँगको खेलमा नेपालले दुनियाँको मन जितेको छ । बर्षा भएर लामो समय खेल रोकिएपछि भारतलाई २३ ओभरमा १४५ रनको नयाँ लक्ष्य दिइएको थियो ।

भारतले मात्र १७ बल बाँकी रहँदा लक्ष्य हासिल गरेको थियो । नेपालले मात्र १७ बल नो रनमा रोक्न सकेको थियो भने नेपालले इतिहास रच्ने थियो । नेपालले ४८ ओभरमा २३० रन बनाएको थियो । भारतका ओपनिङ जोडी रोहित शर्मा (७४) र शुभमन गिल (६७) ले शतकीय साझेदारी गर्दै लक्ष्य पुरा गरेका थिए। यो जोडीले नेपालका उत्कृष्ट बलर सन्दीप लामिछानेसँग खेल्दै उनीविरुद्ध नै धेरै रन बनाए । यद्यपी सुरुमा यी जोडीले फास्ट बलरलाई सामना गर्नु परेको थियो । नेपाली टोलीले यहाँबाट धेरै कुरा सिकेको छ । यो ब्याटिङले भारतलाई भविष्यका खेलहरूका लागि धेरै आत्मविश्वास भने दिएको छ ।

नेपाली टोलीका प्राणवाहक आसिफ शेखको उत्कृष्ट अर्धशतक (५८) र तल्लो क्रममा सोमपाल कामीको ४८ रनको उत्कृष्ट इनिङका कारण नेपालले भारतलाई निर्धारित ५० ओभर खेल्न नसकेपनि २३१ रनको लक्ष्य दिएको थियो । टीम इन्डियाले करिब २ ओभर मात्र ब्याटिङ गरेको थियो त्यसपछि पानी पर्यो र खेल लामो समय रोकिएको थियो।

हो, अहिले नेपालसँग अनुभवको धेरै कमी छ तर उनीहरूले खेलिरहँदा उनीहरूको खेल अझ राम्रो हुँदै गएको देखिन्छ । विश्वले भनिरहेका छन् यो टोली धेरै मन पर्यो किनभने यसको ब्याटिङ, बलिङ र विशेषगरी फिल्डिङ निकै राम्रो थियो । यो खेललाई हेर्दा भारतका कप्तान रोहित शर्माले टस जितेर ब्याटिङ गर्ने निर्णय एकदमै सही साबित भयो। भारतको तर्फबाट फिल्डिङ निक्कै कमजोर भएकोभएपनि नेपालका ब्याट्सम्यानको कदर गर्नुपर्छ किनभने भारतजस्तो उत्कृष्ट बलिङ युनिटविरुद्ध ४८ ओभरसम्म ब्याटिङ गर्नु निक्कै अर्थपूर्ण उपलब्धि मान्न सकिन्छ ।

 

 

प्रकाशित मिति : २०८० भाद्र १९ गते मङ्गलवार
प्रतिक्रिया दिनुहोस