महोतरी । महोतरीका एक माबि बसपिट्टिमा कार्यरत शिक्षक सञ्जीब झाले ग्रामिण ईलाका सम्सी बजारमा सञ्चालन गर्दै आएको होटेल संगम बाट वेश्यावृत्ती हुँदै आएको सूचनाका आधारमा प्रहरीले सोमबार छापा मारेको छ ।
सम्सी प्रहरी चौकिका ईन्चार्ज प्रहरी नायब निरिक्षक लेखनाथ खनालको कमाण्डमा छापा हान्न गएको टोलीले होटेलबाट वेश्यावृत्तीमा संलग्न एक बालिका, दुई युवती सहित दुईजना युवा र सञ्चालक झा लाई पक्राउ गरेको छ ।
बिगत देखि नै सञ्चालक झाले सञ्चालन गर्दै आएको होटेल संगम बाट वेश्यावृत्ती हुँदै आएको सूचनाका आधारमा छापा हानेर पक्राउ गरि ल्याईएको र पक्राउ गरि ल्याईएका वेश्यावृत्तीमा संलग्नहरू लाई आवश्यक कारबाहीका लागि अनुशन्धान भई रहेको जिल्ला प्रहरी कार्यालय महोतरीका प्रमुख प्रहरी उपरिक्षक ‘एसपी’ प्रकाश मल्लले जानकारी दिए ।
केही बर्ष अगाडि प्रहरीले सदरमुकाम जलेश्वरको नगरपालिका चौकमा सञ्चालित होटेलहरूमा वेश्यावृत्ती गर्दै आएको सूचनाको आधारमा दर्जनौ भारतीय यूवतीहरूलाई पक्राउ गरि सार्वजनिक गर्दै भारतीय सुरक्षा निकायको जिम्मा लगाएको थियो । होटेल संगम बाट पक्राउ गरिएका युवतीहरु समेत भारतीय रहेको प्रहरीको भनाई छ ।
