काठमाडौं, असोज १० । आज नेपाली बजारमा सुनचाँदीको भाउ ह्वात्तै घटेको छ । सोमबार प्रतितोला १ लाख १२ हजार २ सय रुपैयाँमा कारोबार भएको छापावाल सुन पछिल्लो २४ घण्टामा ह्वात्तै गिरावट आएसँगै आज बुधवार एक लाख ११ हजार रुपैयाँमा कारोबार भइरहेको छ । हिजो चार सय रुपैयाँले घटेको सुन आज ८ सय रुपैयाँले गिरावट आयो ।
त्यस्तै, आज बुधवार तेजावी सुन प्रति तोला एक लाख १० हजार ४५० रुपैयाँमा कारोबार भईरहेको छ । नेपाल सुनचाँदी व्यवसायी महासंघका अनुसार आज चाँदीको भाउ तोलामा १० रुपैयाँ घटेर प्रतितोला एक हजार तीन सय ८५ रुपैयाँमा कारोबार भइरहेको छ । हिजो चाँदी तोलामा ३० रुपैयाँले घटेको थियो ।
प्रकाशित मिति : २०८० असोज १० गते बुधवार
