काठमाडौं । हमास समूहको आक्रमणपछि बेपत्ता कञ्चनपुरका विपिन जोशीको उद्धार अहिलेसम्म हुन सकेको छैन । इजरायलको किबुजस्थित कृषि फार्ममा २० असोजमा हमासले अचानक आक्रमण गरेदेखि उनी बेपत्ता छन । इजरायली सेनालाई उद्धत गर्दै तेल अविवस्थित नेपाली दूतावासले उनी हमासको कब्जामा रहेको जानकारी दिएको छ । जोशीको पछिल्लो अवस्थाबारे दूतावास बेखबर देखिएको छ ।
यसैबीच शिफा अस्पतालबाट विपिनसहित एक थाई नागरिकलाई अपहरण गरिएको भिडियो इजरायली सेनाले जारी गरेको छ । स्थानीय समयानुसार आक्रमण भएको दिन बिहान ११ बजेतिर अस्पतालबाट दुई जनालाई हमासले अपहरण गरेर लगेको थियो । एकजना घाइते बन्धकलाई अस्पतालको बेडमा लगिएको छ । अर्का व्यक्ति भने हिँडिरहेका छन । हमासले असोज २० गते शिफा अस्पताललाई आतंकवादी प्रयोजनका लागि प्रयोग गरेको इजरायलले आरोप लगाएको छ ।
https://twitter.com/IDF/status/1726319791865016493?t=nOvRv690bNxPeOziW68hXQ&s=19&fbclid=IwAR3ujX4wJHASpu6_LngA5M53d9TviphW6RMk_v0u5Kj1IVA7MIkDxfVBuRM
