२०८१ असार १२ गते मङ्गलवार | 2024 June 25th Tuesday

Preeti To Unicode   www.en.janaboli.com      www.pressadda.com

चौतर्फी आलोचनापछि कैलाश सिरोहियाका विषयमा बोलेका मह जोडीले मागे माफी (भिडियाेसहित)

काठमाडौं । वरिष्ठ हास्य कलाकार जोडी मदनकृष्ण श्रेष्ठ र हरिवंश आचार्यले कान्तिपुर मिडिया ग्रुपका अध्यक्ष कैलाश सिरोहिया पक्राउ परेको घटनामा बोलेको विषयको चौतर्फी आलोचना भएपछि माफी मागेका छन्। सोमबार दुवैले एक भिडियो सन्देश जारी गर्दै अदालतमा विचाराधीन विषयमा आफूहरूले दिएको अभिव्यक्ति गलत भएको भन्दै माफी मागेका हुन्। सिरोहिया पक्राउ बारे मह जोडीको अभिव्यक्तिपछि उनीहरूको सामाजिक सञ्जालमा कडा आलोचना भएको थियो।

भिडियोमा उनीहरूले भनेका छन्- ‘हामी ब्रिक्स क्याफेमा बसेर अस्ट्रेलिया आउने विषयमा गम्भीर रूपमा छलफल गर्दै थियौँ। त्यही बेला त्योभन्दा गम्भीर विषयमा, अदालतमा विचाराधीन विषयमा थुप्रै पत्रकारहरू बसेर छलफल गर्नु भएको रहेछ। एउटा मुडमा बसेको समय अपर्झट बोल्ने प्रस्ताव आयो। हामी पनि के बोल्ने भनेर अकमकियौँ ।

अदालतमा विचाराधीन विषयमा हामीले नबोलेको भए हुन्थ्यो। हामीबाट त्रुटि भयो। त्यसका लागि हामीलाई यत्रो वर्ष आफ्नो सम्झेर माया गरिदिनुभयो। यो पटक पनि सबै कुरा बिर्सिदिएर हामीलाई माफ गर्दिनु होला।

प्रकाशित मिति : २०८१ जेष्ठ १४ गते सोमवार
प्रतिक्रिया दिनुहोस