सरकारले माघ १८ गते संघीय संसदको दुवै सदनको बैठक बोलाउन राष्ट्रपति रामचन्द्र पौडेललाई सिफारिस गरेको छ। सोमबारको मन्त्रिपरिषद् बैठकले शुक्रबार दिउँसो १ बजे संसद बैठक बोलाउन सिफारिस गर्ने निर्णय गरेको हो।
प्रधानमन्त्री केपी शर्मा ओलीले संसद बैठक बोलाउनुअघि सभामुख देवराज घिमिरेसँग छलफल गरेका थिए। यस छलफलमा संसद अधिवेशन बोलाउने र संसदमा के कस्ता विषय प्रस्तुत गर्न सकिने भन्ने विषयमा चर्चा भएको थियो। संसद बैठक नबस्दा विपक्षी दलहरूले सरकारमाथि दबाब बनाइरहेका थिए।
प्रकाशित मिति : २०८१ माघ ७ गते सोमवार
