काठमाडौं । संयुक्त अरब एमिराट्स (यूएई) मा ७३ प्रतिशत कर्मचारी आफ्नो जागिर र कामसँग सन्तुष्ट छैनन् भन्ने नयाँ अध्ययनले देखाएको छ। ग्लोबल प्रोफेशनल सर्विस फर्म एओनले जारी गरेको २०२५ कर्मचारी भावना अध्ययनका अनुसार अधिकांश कर्मचारीहरू व्यक्तिगत लाभ, स्वास्थ्य सेवा र भविष्यसँग सम्बन्धित फाइदाहरूको खोजीमा छन्।
अध्ययनले देखाएको छ कि धेरै कर्मचारीहरू आफ्नो कम्पनीले स्किल विकास र भविष्यको तयारीमा पर्याप्त लगानी नगरेको महसुस गर्छन्।
मुख्य मागहरूमा व्यक्तिगत स्वास्थ्य सेवा, काम र जीवनबीच सन्तुलन, पेन्सन योजनाहरू र करियर विकास योजनाहरू पर्छन्।
रिपोर्टका अनुसार ८३ प्रतिशत कर्मचारी राम्रो तलब र लाभका लागि आफ्नो हालको जागिर छोड्न तयार छन्। कामदारहरूले राम्रो कार्य वातावरण, सहकर्मीहरूबीचको सहयोग र उत्कृष्ट कामको कदर गर्ने कम्पनीहरूलाई प्राथमिकता दिने गरेको पाइएको छ ।
प्रकाशित मिति : २०८१ माघ ४ गते शुक्रवार
