काठमाडौं। पूर्वराजा ज्ञानेन्द्र शाहको स्वागत र्यालीमा योगी आदित्यनाथको फोटो बोकेका प्रदीपविक्रम राणा भारतको गोरखपुर पुगेका छन्। उनले भारतीय सञ्चारमाध्यम ‘नवभारत टाइम्स’सँग कुरा गर्दै आफूलाई नेपाल प्रहरीले खोजी गरिरहेको र पक्राउ गर्न प्रहरी परिचालन गरिएकाले भारतमा शरण लिनुपरेको बताएका छन्।
५८ वर्षीय राणा मंगलबार नेपालबाट भागेर उत्तर प्रदेशको गोरखपुर आइपुगेका थिए। उनले आरोप लगाए कि नेपालको वर्तमान सरकारविरुद्ध भारत सरकार र योगी आदित्यनाथसँग मिलेर षड्यन्त्र रचिएको छ।
राणाले पूर्वराजा ज्ञानेन्द्रको स्वागतमा योगी आदित्यनाथको पोस्टर बोकेको र हिन्दु राष्ट्रको पक्षमा संघर्ष गर्दै नेपालमा राजतन्त्र पुनः स्थापना गर्ने लडाइँ जारी राख्ने बताएका छन्।
प्रकाशित मिति : २०८१ फाल्गुन २८ गते बुधवार
