काठमाडौं। सरकार र जेन–जीबीच बुधबार सिंहदरबारमा भएको सम्झौतापछि जेन–जीको एक समूह खुलेर नै विरोधमा उत्रिएको छ। बिहीबार रिपोर्टर्स क्लब नेपालमा पत्रकार सम्मेलन गर्दै उनीहरूले पूर्वप्रधानन्यायाधीश तथा वर्तमान प्रधानमन्त्री सुशीला कार्कीमाथि गम्भीर र चर्चित आरोप लगाएका छन्।
समूहका एक अभियन्ताले कार्कीले आफ्नो विरोधमा उत्रिएका व्यक्तिहरूको आवाज थाम्न कुल २ करोड ६७ लाख खर्च गरेको दाबी गरे। उनका अनुसार सो रकम सुदन गुरुङलगायत केही व्यक्तिहरूलाई बाँडिएको हो, र उनले यसको प्रमाण दिन आफू पूर्ण रूपमा तयार रहेको बताए।
उनले चुनौती दिँदै भने कि यदि आफूले प्रमाण प्रस्तुत गर्न असफल भए झुण्डिन पनि तयार छन्। तर आरोप सत्य ठहरे कार्कीले नैतिक जिम्मेवारी लिएर तत्काल राजीनामा दिनुपर्ने उनको दाबी छ।
उनीहरूले सम्झौता पारदर्शी नभएको र पार्टीभित्रै विभाजन निम्त्याउने गरी ‘गोप्य किनबेच’ गरिएको आरोप पनि दोहोर्याए। घटना बाहिरिएसँगै राजनीतिक वृतमा चर्चा झनै तापिएको छ।
