काठमाडौं । मधेस प्रदेशमा तीन दिन सार्वजनिक बिदा हुने भएको छ। प्रदेश सरकारले माघ १८ (आइतबार) सार्वजनिक बिदा दिने निर्णय गरेको हो। गृह, सञ्चार तथा कानुन मन्त्रालयका प्रवक्ता राधेशंकरप्रसाद पालका अनुसार यो निर्णय मन्त्रिपरिषद्को गत मङ्सिर १६ गतेको बैठकले गरेको हो।
रविदास जयन्ती (माघ पूर्णिमा) का अवसरमा दलित तथा सीमान्तकृत समुदायको सम्मानस्वरूप माघ १८ गते बिदा दिइएको हो। यसअघि देशभर शुक्रबार सहिद दिवस र शनिबार पनि सार्वजनिक बिदा भएकोले, यसरी मधेश प्रदेशमा शुक्रबार, शनिबार र आइतबार गरी तीन दिन लगातार बिदा हुने भएको छ।
प्रकाशित मिति : २०८२ माघ १६ गते बिहिवार
