काठमाडौं । काठमाडौं उपत्यका र अन्य पहाडी क्षेत्रमा बिहीबार रङको पर्व होली उल्लासपूर्वक मनाइँदै छ। उपत्यका प्रहरी कार्यालयले १ सय २१ स्थानमा सुरक्षा योजना लागू गर्दै चेकजाँच सुरु गरेको छ।
एसएसपी शेखर खनालका अनुसार, काठमाडौँ, भक्तपुर र ललितपुरमा ट्राफिक र स्थानीय प्रहरी १५५ स्थानमा पिकेट ड्युटीमा खटिएका छन्। मादक पदार्थ सेवन गरेर सवारी चलाउने, लागुपदार्थ प्रयोग गर्ने चालकलाई परीक्षण गरेर कानुनी कारबाही गरिने छ।
सादा पोसाकका प्रहरी र ड्रोन क्यामेराले अवाञ्छित गतिविधि निगरानी गर्नेछन्। जबर्जस्ती रङ दल्ने, लोला हान्ने र अभद्र व्यवहार गर्ने व्यक्तिहरूलाई पक्राउ गरेर कारबाही गरिने एसएसपी अधिकारीले बताएका छन्।
होलीको सुरक्षाका लागी काठमाडौं जिल्लामा मात्रै २ हजार भन्दाबढी प्रहरी परिचालन हुनेछन् । काठमाडौंको ३ सयभन्दा बढी स्थानमा प्रहरीको उपस्थिति रहने जिल्ला प्रहरी परिसरले जानकारी दिएको छ।
एसएसपी अधिकारीले होली खेल्न नचाहनेलाई जबर्जस्ती रङ दल्नेलाई १०० नम्बरमा फोन गरेर सूचित गर्न अनुरोध गरेका छन्।
