काठमाडौं । भारत, उत्तर प्रदेशको अलीगढमा एक चकित पार्ने घटना सार्वजनिक भएको छ, जहाँ एक आमा आफ्नै छोरीको हुनेवाला ज्वाइँसँग भागेकी छिन्। छोरीको विवाह हुन नौ दिन मात्र बाँकी थियो। सासू र ज्वाइँबीचको प्रेम सम्बन्ध पहिलेबाट नै चलिरहेको खुलासा भएको छ।
छोरीको विवाहका लागि तयार गरिएको गहना र नगद पनि आमा चोरेर भागेपछि परिवार स्तब्ध भएको छ। युवतीको बुबाले प्रहरीमा उजुरी दिएपछि घटना बाहिर आएको हो।
सासू- ज्वाइँको प्रेम सम्बन्ध परिवारको आँखा अगाडि चलिरहे पनि कसैले शंका गरेका थिएनन्। विवाहको तयारीका नाममा बारम्बार भेटघाट भइरहे पनि कसैले सोच्न सकेनन् कि छोरीको घर उजाडिनेछ।
अब दुवैको खोजी भइरहेको छ भने विवाह टुटिसकेको छ। परिवारका सदस्यहरू आहत छन् भने समाजमा यो घटना कलियुगको साँचो तस्वीरका रूपमा हेरिएको छ।
प्रकाशित मिति : २०८१ चैत्र २५ गते मङ्गलवार
