३ बैशाख , काठमाडौँ । अयोध्याको राम मन्दिरलाई अर्को खतरा देखिएको छ। सोमबार मध्यरातमा, राम जन्मभूमि ट्रस्टलाई ‘मन्दिरमा सुरक्षा बढाउन’ चेतावनी दिइएको इमेल प्राप्त भयो । ट्रस्टका लेखा अधिकारी महेश कुमारले बीबीसी हिन्दीलाई बताएअनुसार यस सम्बन्धमा मंगलबार प्रहरी साइबर सेलमा उजुरी दर्ता गरिएको छ ।
धम्कीपछि जन्मस्थल परिसर र वरपरका क्षेत्रहरूमा सुरक्षा गस्ती बढाइएको छ । इलेक्ट्रोनिक निगरानी प्रणाली सक्रिय पारिएको छ र प्रहरीले मन्दिर नजिकै विस्तृत खोजी अभियान सुरु गरेको छ । जानकारी अनुसार, शंकास्पद इमेल तमिलनाडुबाट पठाइएको हो। इमेल पठाउने व्यक्तिको सही स्थान पत्ता लगाउन तमिलनाडु साइबर सेललाई जानकारी गराइएको छ ।
प्रकाशित मिति : २०८२ बैशाख ३ गते बुधवार
