२०८१ साउन ९ गते बुधवार | 2024 July 24th Wednesday

Preeti To Unicode   www.en.janaboli.com      www.pressadda.com

बाफ स्नान आरामका लागि मात्र होइन, छाला र मुटुलाई हुन्छ फाइदा, जान्नुहोस् कसरी ?

Couple taking Steam Bath

काठमाडौं । चिसो मौसममा शरीरलाई न्यानो प्रदान गर्न बाफ स्नान एक उत्तम विकल्प हो । यसबाट शरीरमा स्फूर्ति मात्र आउँदैन् हाम्रो शरीर धेरै समस्याबाट मुक्त हुन्छ । हट स्टोनबाट निस्कने बाफबाट शरीरलाई प्राप्त हुने तापले मांसपेशीको ऐंठनदेखि छालाको लचिलोपन कायम राख्नेसम्मका काम गर्दछ । १० देखि १५ मिनेटको यो आरामदायी स्नानले जाडोलाई हराउँछ । आज हामी बाफ स्नान के हो र यसका फाइदा के छन् भनेर जानकारी दिन गइरहेका छौँ ।

बाफ स्नान के हो ?
छाला विशेषज्ञ रेखा कुमारीका अनुसार बाफ स्नान भनेको तातो ढुंगाबाट निस्कने बाफले शरीरलाई न्यानो बनाउने एक प्रक्रिया हो । यसबाट शरीरमा पसिना आउँछ । यसले शरीर र मनलाई शान्त पार्छ । काठको कोठा ६० देखि १८० को बीचमा तापक्रममा पाइन्छ । यसको सुरुवात हजारौं वर्षअघि फिनल्याण्डमा भएको थियो । त्यहाँ मानिसहरू घरमा बाफ स्नानका लागि छुट्टै काठका कोठाहरू बनाउँथे ।

अमेरिकन जर्नल अफ पब्लिक हेल्थका अनुसार स्टीम बाथ (बाफ स्नान) को समयमा १० देखि १५ जनाभन्दा बढी बस्नुहुँदैन् । एकसाथ धेरैजना हुँदा धेरै जोखिम हुन्छ । यदि तपाईं पहिलो पटक बाफ स्नानको अनुभव गर्दै हुनुहुन्छ भने, आफ्नो शरीर अनुसार गर्नुहोस् । सुरुवात गर्दा ५ देखि १० मिनेटसम्म गर्नु फाइदाजनक हुन्छ । बाफ स्नानको फाइदाहरू जान्नुहोस्

रक्तसञ्चारमा सुधार
बाफले नुहाउँदा शरीरमा रगतको प्रवाह नियमित हुन थाल्छ । यसले मुटुलाई बलियो बनाउँछ । यसले गर्दा शरीरमा मुटुसम्बन्धी समस्याको जोखिम कम हुन थाल्छ । यस स्नानको सहायताले रक्तचापमा हुने उतारचढावलाई नियमित गर्न सकिन्छ । यसले शरीरको तापक्रमलाई पनि नियन्त्रणमा राख्छ ।

तनाव कम
नियमित रुपमा बाफमा नुहाउँदा मानसिक तनाव कम हुन्छ । शरीरमा ऊर्जाको स्तर बढ्न थाल्छ । साथै, शरीरमा बढ्दो स्ट्रेस हर्मोन कोर्टिसोलको स्तर बिस्तारै घट्दै जान्छ । यसले मानसिक स्वास्थ्यलाई पनि बलियो बनाउँछ ।

तौल घटाउन
बाफ स्नानले तौल बढ्नबाट रोक्न सकिन्छ । यसले गर्दा हुने स्वाटिङले अतिरिक्त क्यालोरी बर्न गर्न थाल्छ । विशेष गरी जाडोमौसममा बाफमा नुहाउँदा निकै फाइदा हुन्छ ।

छालाका लागि
छालामा खुल्ने छिद्रका कारण तेल र प्रदूषकका कारण ब्ल्याकहेड्सको समस्या आउँछ । यसबाट बच्न बाफमा नुहाउनुहोस् । यसले छिद्रमा जम्मा भएको फोहोर स्वत: बाहिर निकालेर छालामा हुने डण्डीफोरबाट राहत दिन्छ ।

यी कुरामा ध्यान दिनुहोस्
गर्भावस्थामा हुँदा महिलाहरूले बाफमा नुहाउनु अघि डाक्टरसँग सल्लाह लिनुपर्छ । दीर्घरोगबाट पीडित व्यक्तिहरूले पनि औषधि सेवन गरिरहेको समयमा भापमा नुहाउनु हुँदैन । निर्जलीकरणबाट बच्नका लागि नुहाउनुअघि र पछि १ देखि २ गिलास पानी पिउनुपर्छ । बाफमा नुहाउनुभन्दा पहिले धेरै खाना नखानुहोस्, यसले गर्दा वान्ता हुने खतरा बढ्छ । बाफमा नुहाउँदा निन्द्रा लाग्यो भने तुरुन्तै बाहिर निस्कनुपर्छ ।

प्रकाशित मिति : २०८० माघ ५ गते शुक्रवार
प्रतिक्रिया दिनुहोस