काठमाडौं । चितवनका २६ वर्षीय मञ्जिल रेग्मी, जसलाई ‘मिस्टर माने’ भनेर चिनिन्छ, अहिले युट्युबमा चर्चित नाम बनिसकेका छन्। उनले आफ्नो करिअर सानो घरबाट सुरु गरेका थिए, तर अहिले उनको मेहनतले उनलाई सफलता दिलाएको छ।
मिस्टर माने दैनिक करिब १८ घण्टासम्म भिडियो निर्माणमा समय खर्चिन्छन्। उनले सञ्चालन गरेका विभिन्न युट्युब च्यानलहरूबाट राम्रो आम्दानी गरिरहेका छन्। निरन्तर मेहनत र समर्पणको बलमा उनले परिवारका लागि राम्रो घर बनाउन सफल भएका छन्। साथै, उनले हालै नयाँ गाडीसमेत खरिद गरेका छन्, जसले उनको संघर्षपूर्ण यात्रालाई थप प्रेरणादायी बनाएको छ।
डिजिटल प्लेटफर्महरूमा करिअर बनाउन चाहने नेपाली युवाहरूका लागि मिस्टर मानेको यात्रा उत्कृष्ट उदाहरण बन्न सक्छ। उनको सफलताले नेपालमा डिजिटल मिडियाको सम्भावनालाई अझ बलियो रूपमा उजागर गरेको छ।
प्रकाशित मिति : २०८१ माघ २१ गते सोमवार
